AAK: Listën Serbe e gjetëm më mesin tuaj

Aleanca për Ardhmërinë e Kosovës thotë se përfaqësimi i serbëve kosovarë në institucionet është kategori kushtetuese, dhe në çdo kombinim ata duhet të jenë pjesë e institucioneve

Partia e pretendentit për kryeministër të Kosovës, Ramush Haradinaj ka reaguar ndaj deklaratave të disa deputetëve të Lëvizjes Vetëvendosje dhe LAA-së, transmeton albinfo.ch.  Aleanca për Ardhmërinë e Kosovës thotë se përfaqësimi i serbëve kosovarë  në institucionet është kategori kushtetuese, dhe në çdo kombinim ata duhet të jenë pjesë e institucioneve.

“Listën Serbe”, nuk ua sollëm ne! Atë e gjetëm në mesin tuaj, dhe ju neokomunistët e këtij vendi, mos u thirrni në patriotizëm, sepse patriotizmi pa akte patriotike, që juve u kanë munguar gjithmonë, mund të jetë vetëm strehë horrash! Kakarisjet e sotme në Kuvend, ishin një spektakël populizmi i një grupi jo-formal deputetësh, (në mesin e të cilëve edhe njerëz të akuzuar për terrorizëm), e jo debat parlamentar, sepse nuk mund të ketë debat në një seancë që nuk ka kuorum, madje kur seanca është konstituive, edhe në rast të kuorumit të plotë, nuk parashihet debati. Leni mbledhitë e kthejuni realitetit”, thuhet në reagimin e kësaj partie.

AAK-ja thotë se ata po bëjnë të pamundurën që ta zhbllokojmë situatën e krijuar.