Paqartësi në seancën konstituive të Kuvendit të Kosovës

Pas një debati të shkurtër, Mikullovci e shpalli të mbyllur këtë seancë, ndërsa tani nuk është e qartë për hapat e ardhshëm

Paqartësi të shumta kanë përcjellë seancën konstituive të legjislaturës së gjashtë të Kuvendit të Kosovës.

Koalicioni PDK, AAK dhe Nisma pas betimit të deputetëve kanë kërkuar dy orë pauzë që më pas të dalin me emrin e kandidatit për kryetar të Kuvendit.

Pas kësaj kërkese, kryesuesi i seancës, Adem Mikullovci, hodhi në votim propozimin që në fund mori rezultatin 60 pro e 60 kundër.

Pas një debati të shkurtër, Mikullovci e shpalli të mbyllur këtë seancë, ndërsa tani nuk është e qartë për hapat e ardhshëm.

Deputeti më i vjetër i Kuvendi të Kosovës i cili e ka udhëhequr seancën konstituive ka thënë se më shumë njerëz që kanë qenë pjesë e kijë institucioni kanë merituar me i pështy se me i puth. Mikullovci e nisi seancën e Kuvendit duke e recituar një poezi të Azem Shkrelit, njofton albinfo.ch. “Po e recitoj një vjershë të Azem Shkrelit. Ndalem dhe shikohem në pasqyrë drejt në sy, se di a me puth veten a me pshty. Andaj, Kosova është këtu ku është”, ka thënë ai.