Pikëpyetje mbi fitoren e Ermina Përlaskaj-Lekaj!

Sipas publikimit më të ri të rezultateve, vihet në pikëpyetje fitorja e kandidates shqiptare Ermina Lekaj-Përlaskaj

Siç njoftonte portali kroat nacional.hr. kandidatja shqiptare e koalicionit fitues „Kukuriku” për zgjedhjet parlamentare të Kroacisë Ermina Lekaj-Përlaskaj ka fituar vendin në Parlamentin Kroat, për të përfaqësuar pakicën shqiptare dhe disa pakica tjera. Mirëpo rezultatet e publikuara ndërkohë nga mediet tjera kroate, (portali vecernji list) flasin për fitoren e kandidatit nga pakica boshnjake. 

Nëse do të fitonte, Përlaskaj do të përfaqësojë në Parlamentin e Kroacisë jo vetëm shqiptarët por edhe pakicat tjera si: boshnjakët, malazezët, maqedonasit dhe sllovenët, njofton portali kroat Nacional.hr.

Ermina Perlaskaj-Leka është e lindur në Prizren. Në vendlindje ka kryer shkollimin fillor dhe të mesme, ndërsa fakultetin e drejtësisë e ka përfunduar në Rjekë të Kroacisë.

Ajo është dyzet vjeçare, është drejtoreshë për Shërbime publike dhe të kuadrove në Ujësjellësin e Novi Vinodolskit në Kroaci.