Vdes kampioni botëror Kabashi

Ka vdekur kikboksieri i njohur kosovar, Besim Kabashi. Ai ka ndërruar jetë të dielën paradite, në Munchen të Gjermanisë, tash për tash nga shkaqe të panjohura.

Informacionet për vdekjen e tij gjatë së dielës kanë qenë të pakta. Megjithatë merret vesh se kampioni është gjetur i vdekur në banesën e tij në Munchen nga disa të afërt të tij, ndërkohë që janë duke u zhvilluar hetimet rreth vdekjes së tij.

35-vjeçari, aktualisht kampion botëror në kikboks, i lindur në Gurrakoc të Istogut, më 27 shkurt të vitit 1976, njihej për sukseset e tij të mëdha në kikboks duke krijuar një karrierë të shkëlqyeshme në Gjermani.