Kosova mund të përdorë kodin e telefonisë së Shqipërisë

Zyrtarët e Qeverisë pohojnë se Kosova ka të drejtë dhe duhet të kërkojë përkohësisht kodin e telefonisë së Shqipërisë

Kosova mund të kërkojë që të përdorë përkohësisht kodin e telefonisë së Shqipërisë për të gjitha telefonitë në Kosovë, kanë thënë zyrtarë të Ministrisë së Zhvillimit Ekonomik. 

Në mungesë të kodit shtetëror të telefonisë fikse, Kosova që nga çlirimi e këndej ka mbetur me kodin e Serbisë, e cila për një vit fiton nga vendi ynë rreth 50 milionë euro, shkruajnë mediet në Prishtinë.  

Zyrtarët e Qeverisë pohojnë se Kosova ka të drejtë dhe duhet të kërkojë përkohësisht kodin e telefonisë së Shqipërisë. 

Edhe njohësit e çështjeve të telekomunikacionit deklarojnë se autoritetet duhet të kërkojnë që vendi ynë të përdorë kodin e telefonisë fikse të Shqipërisë, sepse me Shqipërinë jemi një komb.