Zaev akuzon edhe segmente të policisë për dhunën e mbrëmshme

Duke komentuar ndërhyrjen e vonshme të policisë kreu i LSDM-së theksoi se mbrëmë u shkel Kushtetuta dhe ligjet e RM-së dhe se do të kërkohet përgjegjësi nga të gjithë

“Kemi bërë një hap të madh në proceset demokratike mbi bazën e shumicës parlamentare, kemi bërë hapin e parë me zgjedhjen e kreut të Kuvendit dhe do të vazhdojmë me formimin e institucioneve tjera. Uroj Xhaferin dhe përkujtojë se fortë e mbështesim atë”, tha Zaev.

Pastaj ai, duke komentuar dhunën  e mbrëmshme tha se një pjesë nga dhunuesit ishin pjesëtarë të policisë dhe disa të tjerë, banditë që kishin për qëllim likuidimin e tij, shkruan alsat.m

“Ajo që ndodhi mbrëmë, ishte tentim për vrasje, kishit rastin ta shihni edhe vetë. Ishte një veprim i koordinuar edhe nga forcat policore”, tha Zaev.

Ai me këtë rast u shpreh se nuk do t’i përgjigjet ftesës së Ivanovit, duke e cilësuar presidentin e vendit si përgjegjës për atë që ndodhi mbrëmë brenda dhe jashtë Kuvendit.

Duke komentuar ndërhyrjen e vonshme të policisë kreu i LSDM-së theksoi se mbrëmë u shkel Kushtetuta dhe ligjet e RM-së dhe se do të kërkohet përgjegjësi nga të gjithë.

“Kjo që ndodhi mbrëmë ishte vetëm një vërtetim për shkeljen e  Kushtetutës. Zaev tha se pret dorëheqjen e menjëhershëm të Mitko Çavkovit dhe të ik sa më larg që është e mundur”, tha Zaev.