Gjyqtarë të huaj në Superligën e Kosovës në futboll

Gjyqtarët nga Malta, Philip Farrugia, Christopher Francalanza, Debattista Villam e Etienn Mangion do ta ndajnë drejtësinë në takimin Trepça-Ferizaj

Pas pranimit të Federatës së Futbollit të Kosovës në UEFA e FIFA, është hera e parë që gjyqtarët e huaj do të drejtojnë një takim në Superligën e Kosovës në futboll, shkruan albinfo.ch.

Gjyqtarët nga Malta, Philip Farrugia, Christopher Francalanza, Debattista Villam e Etienn Mangion do ta ndajnë drejtësinë në takimin Trepça-Ferizaj që zhvillohet të shtunën në orën 13.00, në stadiumin “Adem Jashari”.

Kjo do të jetë hera e parë që gjyqtarët e huaj drejtojnë një ndeshje në Kosovë, kurse edhe disa gjyqtarë kosovarë kanë fituar të drejtën për të ndarë sfidat në garat ndërkombëtare, pasi t’i kalojnë testet.