Lajme
Policia na rrahu brutalisht, thotë Vetëvendosje
Ndërhyrja brutale e Policisë së Kosovës nuk i kurseu as deputetët e Kuvendit të Kosovës të cilat i ishin bashkuar kësaj proteste
Lëvizja Vetëvendosje ka reaguar ashpër ndaj arrestimit të aktivistëve dhe deputetëve të saj nga njësitë speciale të Policisë së Kosovës, pas aksionit protestues kundër kryenegociatores Edita Tahiri për shkak të vazhdimit të dialogut me Serbinë.
Deputetet e Vetëvendosjes në Kuvendin e Kosovës, Albana Fetoshi dhe Albulena Haxhiu, të cilat ishin arrestuar nga policia pas aksionit të djeshëm, shprehën frustrimin e tyre ndaj aksionit brutal policor ndaj tyre dhe aktivistëve tjerë të kësaj lëvizjeje.
Albulena Haxhiu ka theksuar se Vetëvendosje përmes aksionit të djeshëm kundërshtoi bisedimet që po e dëmtojnë Kosovën, ndërkaq sipas saj ndërhyrja brutale e pjesëtarëve të Policisë së Kosovës nuk i kurseu as deputetët e Kuvendit të Kosovës të cilat i ishin bashkuar kësaj proteste.
Aktivistët e Vetëvendosjes ishin grumbulluar në pjesë të ndryshme të rrugës që e lidh Aeroportin Ndërkombëtar të Prishtinës me kryeqytetin për t’ia bllokuar rrugën zëvendëskryeministres Edita Tahiri si shenjë kundërshtimi të marrëveshjeve të arritura me Serbinë në Bruksel për vulat doganore dhe regjistrat kadastral.
Me këtë rast, aktivistët e Vetëvendosjes kanë gjuajtur me domate veturën e Edita Tahirit, ndërsa gjatë ndërhyrjes së policisë janë arrestuar 35 aktivistë, në mesin e tyre edhe dy deputete të kësaj lëvizje, të cilat janë liruar më pas, derisa të tjerët vazhdojnë të mbahen në paraburgim edhe për 48 orë.
E-Diaspora
-
Haradinaj konfirmon kandidaturën e parë për deputet nga diaspora Kryetari i AAK-së, Ramush Haradinaj, ka bërë të ditur se struktura e partisë në diasporë është... -
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë”
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit











