Serbia pa Kosovën në BE

Serbia - ose mund t’i bashkohet BE-së pa Kosovën, ose nuk do t’i bashkohet BE-së pa Kosovën", shkruan The Economist

E përjavshmja britanike Economist, ka shkruar se Angela Merkel, kancerlarja e Gjermanisë, sapo e ka fundosur anijen e politikës së jashtme të Serbisë.

Në një editorial të saj thuhet se Serbisë po i ecte gjithçka mirë në rrugën drejt BE-së, derisa Merkel i tha Tadiqit se nëse donte BE-në duhej të shpërbënte strukturata paralele në veri.　

Economist, shkruan se deklaratat e saj e shokuan Brukselin që po përgatitjet t’ia jepte Serbisë statusin e vendit kandidat. “Është aq keq sa edhe duket”, ka thënë një diplomat evropian. Gazeta paralajmëron se nëse qeveria aktuale nuk ndryshon qëndrim ka gjasa që fituesit më të mëdhenjtë të jenë partitë nacionaliste, gjë që nuk e dëshiron BE-ja.”Zonja Merkel e bëri një gjë shumë të qartë. Në realitet, Serbia – që edhe ashtu e ka vetëm një vend të vogël për këmbën e saj në Kosovë – ose mund t’i bashkohet Bashkimit Evropian pa Kosovën, ose nuk do t’i bashkohet Bashkimit Evropian pa Kosovën”, shkruan në Economist.