Numër rekord i azilkërkuesve në Itali

Gjatë vitit 2016 në vend janë pranuar mbi 123.000 kërkesa azili, që është 47 për qind më shumë se në vitin 2015

(KEYSTONE/TI-PRESS/Francesca Agosta)

Në Itali në vitin 2016 kanë aplikuar më shumë azilkërkues në 20 vjetët e fundit, sipas raportit të fundit të “Iniciativa për hulumtime të multietnicitetit” nga Milano, citon DPA, përcjell albinfo.ch.

Gjatë vitit 2016 në vend janë pranuar mbi 123.000 kërkesa azili, që është 47 për qind më shumë se në vitin 2015.
Nga këto, 11. 400 refugjatë ishin të mitur, 85 për qind ishin meshkuj dhe 15 për qind gra.

Numri më i madh i azilkërkuesve kanë ardhur nga Nigeria: 27.000 persona, ose 48 për qind më shumë se në vitin 2015. Pas tyre janë nga Pakistani – 11 për qind e totalit, Gambia 7.2 për qind dhe Senegali 6.2 për qind.

Dy të tretat e kërkesave për azil janë refuzuar, por Italia, megjithatë, i ka dhënë një formë të mbrojtjes aplikantëve nga Afganistani, Eritreja, Iraku, Somalia dhe Siria, kryesisht për shkak të gjendjes së njohur në vendet e tyre”.

Mes 2014-ës dhe 2016-ës më shumë se gjysmë milioni emigrantë arritën në brigjet e Italisë, e cila është më shumë se numri i përgjithshëm i emigrantëve të paligjshëm të ardhur me anije në 17 vjetët e fundit, tha “Iniciativa për hulumtime të multietnicitetit”.

Italia dhe Libia nënshkruan një marrëveshje javën e kaluar për të kufizuar emigracionin e paligjshëm nëpërmjet Mesdheut, atëherë udhëheqësit e Bashkimit Evropian ranë dakord për të rritur ndihmën për rojën bregdetare të Libisë, si pjesë e 10 pikave për të ndalur emigracionin.