Vritet një gazetare zvicerane

Tragjedi e re në Baden të Zvicrës: Një shtetas portugez, në mesnatën e së enjtes ka vrarë ish të dashurën e tij, një zvicerane 47-vjeçare. Pas aktit të kryer, ai ka bërë vetvrasje, përderisa tre bijat e zviceranes flinin në gjumë.

Pak pas mesnatës, një tragjedi e re familjare ka tronditur Zvicrën. Kësaj radhe në qytetin Baden, një shtetas 43-vjeçar portugez ka vrarë ish të dashurën e tij 47-vjeçare, e më pas ai ka bërë vetrasje. Në banesë kanë qenë duke fjetur tre bijat e viktimës.

Viktima, sipas mediave zvicerane ka qenë gazetare dhe adhuruese e verërave. Zëdhënësi i policisë Bernhard Graser ka deklaruar se nga të shtënat janë zgjuar tre vajzat e viktimës, të cilat në atë kohë kanë qenë duke fjetur, ndërsa nga ballkoni e hetojnë krimin e tmerrshëm.

Sipas të gjitha indikacioneve, bëhet fjalë për një delikt në lidhje dashurie, ka deklaruar mëtutje Graser. Fqinjët janë të shokuar nga gjakderdhja.