Prania e myftiut boshnjak shkakton polemika

Demonstrata për tolerancë pret një myfti të stërrreptë

Myftiu boshnjak, Muamer Zukorliq, është ftuar të marrë fjalën në Sheshin e Parlamentit të Bernës me rastin e manifestimi të organizuar nga Këshilli qendror islamik i Zvicrës.  Afro 2000 veta priten të jenë prezentë në këtë mbledhje.

Më 29 tetor do të mbahet një manifestim për të denoncuar islamofobinë si dhe për të promovuar tolerancën. Në këtë kontekst, pjesëmarrja e myftiut boshnjak, i njohur si një person radikal dhe shumë i rreptë shkakton polemika.

Bigam dhe nacionalist

E përditshmja “20Minutes” lajmëron pjesëmarrjen e “njeriut me dy gra (bigami) dhe nacionalist”. Muamer Zukorliq është një fetar sunit nga Sanxhaku, në Serbinë Jugore. Ai tash më është bërë i njohur për pozicionet e ashpra dhe shumë pak liberale.

Xavier Bougarel, ekspert për rajonin e Ballkanit në Qendrën Kombëtare për Kërkime Shkencore të Parisit, e prezanton atë në mediet zvicerane sikur një “fetar konservator, sikur edhe  shumica e dijetarëve dhe klerikëve të mbarë botës”.

Prapë se prapë ardhja duket e çuditshme kur marrim parasysh se një personalitet i tillë ftohet në një demonstratë për tolerancë, konludon e përditshmja.