Pas Denner-it, edhe Coop ul çmimet e produkteve të importuara

Pas Denner-it, edhe Coop ka vendosur  të tërheqë disa produkte që propozonte deri tani për shkak të mosarritjes së një marrëveshjeje me furnizuesit për ndarje të përfitimit fal këmbimit mes frangut të fortë dhe euros të ulët.

Përmasat e reja, të zbuluara të dielën nëpërmjet reklamave në shtyp, vinë në prag të tryezës së rrumbullakët të mbajtur të mërkurën e kaluar nga ministri i Ekonomisë, Johann Schneider-Ammann. Prej të premtes Denner-i discounter, një njësi e Migros-it, pati njoftuar se do të ulëte çmimet e afro pesëdhjetë  produkteve.

Mars, Ferrero dhe  Oréal

Sa i përket Coop-it, i cili thekson se këto negociata janë “negociata të pafrytshme”, ai ka marrë vendimin të tërheqë disa produkt të njohura nga klientët e tij. Grupi i Basel-it ka caktuar fillimisht orizin e prodhuar nga  gjiganti amerikan Mars, çokollatat  e prodhuara nga kompania italiane Ferrero, si dhe disa produkte kozmetike franceze të grupit Oreal.

Në mungesë të një përgjigjeje pozitive të këtyre tri grupeve, Coop-i ka  vendosur të ulë për klientët e saj një zbritje prej 50% nga e hëna. Kjo zbritje do të vazhdojë gjerë te shterja e produkteve në stoqe. Pasi që këto produkte do të shitën tërësisht, Coop-i  do të tërheqë këto produkte nga raftet e saj.

Ky aksion prek afërisht 95 artikuj, të cilët përbejnë një qarkullim vjetor prej rreth 30 milionë franga, ka treguar Sabine Vulic, zëdhënëse. Ndërsa, ajo tregon për mediet zvicerane se negociata të tjera janë duke u zhvilluar me prodhues të tjerë.

Vendimi i Coop-it, por edhe i Denner-it dhe Spar-it është mirëpritur nga organizata për mbrojtje të konsumatorëve.