Futbollisti nga Kosova detyrohet të rikthehet në vendlindje

30-vjeçari frikësohet se asnjëherë nuk mund të shkon më në Gjermani, derisa flet gjuhën gjermane, ka punuar dhe nuk ka shkelur asnjëherë ligjin

Avdyl Haliti luan për klubin FC Kastrioti Stukenbrock në Gjermani. Por ai gjatë kësaj jave do të depërtohet në Kosovë, dhe kjo do të bëhet me dëshirën e tij, pasi që ky shtet i refuzoi kërkesën por leje qëndrim më të gjatë, duke i kërkuar atij ta lë vendin vullnetarisht, shkruan ‘Westfalen-Blatt.de’.

Ai ishte integruar në mënyrë të shkëlqyeshme në Gjermani dhe donte të qëndronte, megjithatë, duhet të kthehet në Kosovë, përcjell albinfo.ch.

“Më duket se e gjithë toka është shembur mbi mua, pasi atje do të duhet t`ia filloj nga zero dhe nuk e di se si do ta arrij një gjë të tillë”, thënë futbollisti nga Kosova.

Ai është i detyruar të rikthehet në Ferizaj te prindërit e tij, pasi assesi nuk mundi të fitojë azilin në Gjermani. Ai ka shtuar se është munduar që këtë ta rregullojë edhe me anë të një avokati, por gjithçka ishte e kotë.

Avdyli në Gjermani për herë të parë kishte shkuar në moshën pesëvjeçare, ndërsa nëntë vite më vonë ishte kthyer në Kosovë. Më pas, në moshën 21-vjeçare, ai sërish vendosi të kthehet në Gjermani.

“Duke mos llogaritur ndërprerjet e shkurtra, unë jam në Gjermani tashmë nëntë vite dhe Gjermaninë e llogaris si vendlindje”, ka shtuar Avdyli.

30-vjeçari frikësohet se asnjëherë nuk mund të shkon më në Gjermani, derisa flet gjuhën gjermane, ka punuar dhe nuk ka shkelur asnjëherë ligjin.

Tashmë, ai duhet të kthehet në vendlindje dhe të luajë për Ferizajn. “Ata janë duke pritur me padurim, por ëndrra ime është të kthehem në Gjermani”, ka përfunduar Avdyl Haliti.