Refuzohet iniciativa e UDC/SVP-së kundër emigracionit masiv

Iniciativa “Kundër emigracionit masiv” nisur në fillim të gushtit nga SVP/UDC lëndon ekonominë, ka bërë të ditur të premten Economiesuisse, duke kujtuar se lëvizja e lirë ka ngritur zhvillimin e vendit.

Iniciativa “Kundër emigracionit masiv”, nisur nga SVP/UDC, dëmton ekonominë dhe për këtë arsye Economiesuisse e hedh poshtë, thuhet në njoftimin e saj të publikuar të premten.

Pavarësisht nga kriza e euros dhe forca e frangut, Zvicra ka më pak papunësi në krahasim me pesë vjetët e fundit dhe pagat reale kanë shënuar rritje.

Tregje të hapura, një burokraci të lehtë në krahasim me vendet e tjera ndërkombëtare dhe një treg fleksibil i punës janë pikat e forta të ekonomisë zvicerane. Këto pika rrezikohen me iniciativën e SVP/UDC-së  “Kundër emigracionit masiv”. Prandaj Economiesuisse, një organizatë ombrellë e ekonomisë, hedh poshtë këtë iniciativë.

Zhvillim dhe prosperitet

Lëvizja e lirë ka rritur zhvillimin dhe prosperitetin, ashtu siç ka krijuar edhe  vende pune. Nuk ka pasur pasoja negative në paga ose papunësi. Në të kundërtën, sipas Economiesuisse pagat reale janë ngritur për 0.6% në vit mes 2002 dhe 2010. Ndërsa shkalla e papunësisë është prej 2.8%,  sa gjysma e asaj të BE-së.

Sipas Economiesuisse, kërkesat e iniciativës janë të tejkaluara. Të huajt nuk kanë mundësi të plotë për t’u vendosur në Zvicër. Ata duhet të kenë një kontratë të vlefshme të punës, të jenë të pavarur, në gjendje të pavarur dhe të gëzojnë mjete të mjaftueshme financiare.

Mungesa e punëtorëve të kualifikuar

Zvicra po përballet me një mungesë të punëtorëve të kualifikuar. 83% e atyre që emigrojnë nga BE-ja kanë një diplomë të nivelit të mesëm dhe 51% prej tyre kanë një diplomë të shkollës së mesme.

Rifutja e kuotave që kërkohet nga SVP/UDC-ja nënkupton një kthim në më shumë burokraci dhe një pasiguri më të madhe për bizneset në vendimmarrje.

Iniciativa kërcënon marrëveshjet bilaterale mes Zvicrës dhe BE-së. Është iluzion të kërkosh negociata të reja për lëvizje të lirë të personave, negociatat do duhej të  zhvillohen sipas kësaj iniciative brenda tre vjetëve.

Dhe nuk ka gjasa që institucionet e BE-së të pranojnë paraqitjen e kufizimeve në formë të kuotave dhe të një prioriteti për zviceranët. Pasoja përfundimtare e një mase të tillë do të ishte ndërprerja e lëvizjes së lirë të njerëzve dhe marrëveshja të tjera dypalëshe. Izolimi në të cilin kjo iniciativë do të vendoste Zvicrën rrezikon prosperitetin dhe vendet e punës, thotë  Economiesuisse.