Xhaka, i lumtur për fitoren e parë në vitin 2017

Granit Xhaka ishte i lumtur për fitoren e parë në Vitin e Ri, pasi mundën Crystal Palace me rezultat 2:0

Mesfushori shqiptar, Granit Xhaka ishte shumë i lumtur pasi Arsenali e nisi vitin 2017 me fitore, që më 1 janar, shkruan albinfo.ch.

Londinezët kanë vazhduar me formën e mirë në Premierligë, teksa e nisën vitin 2017 me fitore duke e mposhtur 2:0 skuadrën e Crystal Palace, në kuadër të javës së 19-të në kampionatin anglez.

Edhe në këtë ndeshje nga fillimi luajti mesfushori shqiptar, Granit Xhaka, i cili tha se këto tri pikë janë dhuratë për tifozët. “E filluam vitin 2017 në mënyrën më të mirë dhe shpresojmë të vazhdojmë kështu deri në fund. Tri pikët janë dhuratë për ju. Gëzuar”, ka shkruar ai në rrjetet sociale.

Xhaka është shndërruar në futbollistin kyç të skuadrës londineze dhe tashmë është i pazëvendësueshëm.