300 mijë veta në “Lake Parade” të Gjenevës

Me "zinxhirin njerëzor" të krijuar në urën MontBlanc, mendohet se është arritur një rekord për librin e Ginisit

Në një mot me diell rreth 300 mijë veta, adhurues të muzikës techno dhe kureshtarë tjerë kanë populluar dje rrugët rreth liqenit të Lemanit, në Gjenevë. “Lake parade” quhet aktiviteti që të shtunën, është mbajtur për të pesëmbëdhjetën herë me radhë në këtë qytet.

Për të kaluar shtegun e gjatë tre kilometra e gjysmë buzë liqenit, njerëzve që merrnin pjesë në paradë u janë dashur katër orë. Me “zinxhirin njerëzor” të krijuar në këtë mënyrë mbi urën MontBlanc, organizatorët shpresojnë të kenë realizuar një rekord që mund të vendoset në librin e Ginisit.

Po ashtu rekorde, sipas organizatorëve duhet të ketë qenë edhe shitja e hallkave të dorës, fitimi nga të cilat do të shkojë për Kryqin e Kuq.