Socialdemokratët kritikojnë dhe lansojnë parollën e tyre zgjedhore

Levrat ka lancuar parollën e SP-së për zgjedhjet që mbahen këtë vjeshtë. Kjo parollë është: "Politika për të gjithë dhe jo për pakicën"

Sot në Olten ka mbajtur kuvendin e saj edhe Partia Socialdemokrate e Zvicrës (SP/PS). Kryetari i kësaj partie, Christian Levrat me këtë rast ka apeluar që politika të ketë më shumë parasysh të mirën për shumicën se sa përfitimet e një pakice. Në këtë kuptim, Levrat ka lancuar parollën e SP-së për zgjedhjet që do të mbahen këtë vjeshtë. Kjo parollë është: “Politika për të gjithë dhe jo për pakicën”, shkruan drs.ch.

Politika, sipas tij, është “konkurrenca për të gjetur zgjidhjen më të mirë dhe jo garë për të treguar se kush është më patriot”. Kryetari i SP-së ka thënë se nuk është krejtësisht e vërtetë se në Zvicër pünët po shkojnë mirë. “Shtresa e mesme po varfërohet dhe po pret përgjigje”, ka thënë Levrat, siç transmeton nzz.ch.

Kryetari i socialdemokratëve po ashtu ka kritikuar ashpër dy minstrat federalë që vijnë nga Partia Liberale (FDP) Johann Schneider-Ammann dhe Didier Burkhalter. Sipas tij, këta dy pjesëtarë të qeverisë “duket sikur po bëjnë garë se cili di të heshtë më mirë se tjetri”.