2.54 milionë njerëz të papunë në Gjermani

Tregu i punës në Gjermani, nëse vlerësohet nga numri i të papunëve, është në gjendje shumë të mirë. Por shumë ekonomistë paralajmërojnë se rritja ka kufijtë e saj, shkruan Deutsche Welle, përcjell albinfo.ch.

Nëse bëhet fjalë për makineri, metalurgji e industri elektrike shumica e qytetarëve në Gjermani nuk kanë pse të shqetësohen për të siguruar një vend pune. Në firmat e tjera, të mëdha dhe të vogla, kryesisht kërkojnë fuqi punëtore profesionale.

Papunësia në Gjermani ka rënë në tetor. Të papunë janë 2.54 milionë njerëz. Bëhet fjalë për 190 mijë të papunë më pak se në të njëjtën periudhë të vitit të kaluar. Shkalla e papunësisë është 5.8%. Me një normë prej 5% të ekonomistëve janë duke folur në lidhje me një punësim të plotë.

Kjo do të thotë se Gjermania është e vendosur më mirë se shumica e vendeve të tjera evropiane. Por, kjo së shpejti mund të ndryshojë, sepse mijëra refugjatë të cilët aktualisht po ndjekin kurse të gjuhës ose trajnime pune, do të kërkojnë një vend pune më Gjermani. Ekonomistët besojnë se tregu i punës vitin e ardhshëm do të duhet të përballet me rreth 70 mijë deri 90 mijë të papunë shtesë. Disa madje flasin për 160.000.

Nuk mund të thuhet se e sjellin në krizë tregun e punës, por do të rrisin ndjeshëm numrin e të papunëve.