Gadafi ka inkurajuar dhunimin si armë represioni

Anketuesit kanë prova se Muamar Gadafi ka dhënë urdhër për dhunime në seri të kundërshtarëve, njofton «Le Monde»

Flitet se me qindra femra mund të kenë qenë të dhunuara në disa zona të Libisë. Për këtë qëllim thuhet t’u jenë distribuar stimulantë seksual (Viagra) ushtarëve të regjimit të tij, ka njoftuar Luis Moreno-Ocampo, prokuror i Gjykatës Penale Ndërkombëtare (GJPN). Ekzistojnë prova se Libia blinte «kontejnerë të tërë» të këtyre drogave për ta «zmadhuar mundësinë e përdhunimit të femrave», pra për ta shfrytëzuar këtë metodë si armë lufte.

Prokurori Moreno-Oscampo ka pohuar se «tani jemi duke pranuar informata për faktin se Gadafi ka vendosur personalisht për këto dhunime dhe se kjo është një risi».

Këto fakte të reja do të mund të kërkojnë një vendim të gjykatësve ndaj kërkesës së tij për cilësim të aktakuzës kundër liderit libian për «krime kundër njerëzimit».