Lajme
Telekom Austria ofron deri në 350 milionë euro për PTK-në
Përfaqësuesit e Qeverisë së Kosovës shpresojnë të fitojnë një shumë prej 600 milionë eurosh për 75 për qind të shitjes së PTK-së
Telekom Austria ka shfaqur interesimin për të blerë 75 për qind të aksioneve të Postë Telekomit të Kosovës (PTK), ndërsa në garë është edhe Deutsche Telekom.
“Jemi të interesuar të blejmë PTK-në “, i ka thënë gazetës vjeneze Die Presse një zëdhënëse e Telekom Austria. Megjithatë, ajo ka theksuar se Telekom Austria ende nuk ka marrë nën llupë bilancin e PTK-së. Ajo nuk ka folur as për çmimin, por as për kohëzgjatjen e procedurave.
Përfaqësuesit e Qeverisë së Kosovës shpresojnë të fitojnë një shumë prej 600 milionë eurosh për 75 për qind të shitjes së PTK-së.
Por, Die Presse, shkruan se nga burime brenda Telekom Austria ka marrë vesh se kjo kompani do të ofrojë një çmim prej 300 deri në 350 milionë euro.
Vëzhguesit e rrjedhave ekonomike kanë hequr një paralele me privatizimin e Telekomit të Serbisë. Qeveria në Beograd kishte kërkuar 1.4 miliardë euro, por Telekom Austria kishte ofruar një çmim shumë më të ulët.
Die Presse shkruan se Telekom Austria kishte konkurruar për dy licenca të telefonisë mobile në vitin 2007 në Kosovë, por ishte kthyer duarthatë.
Aktualisht kundër PTK-së janë duke u zhvilluar hetime për korrupsion për shkak të dhënies së licencës. Vitin e kaluar për këtë qëllim EULEX kishte bastisur zyrat e PTK-së.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit











