Shiten më shumë automjete në Evropë

Rritja e numrit të automjeteve të shitura në nëntë muajt e parë të vitit 2016 është 6 për qind, tha për Reuters një burim nga industria e automobilave

Pavarësisht skandalit të fundit nga “Volkswagen” me veturat dizel, në Gjermani është rritur me gati 10 për qind shitja e automjeteve të pasagjerëve dhe të tjera komerciale.

Muajin e kaluar vendi ka regjistruar rreth 298 mijë automjete, që është 9.5 për qind më shumë se muajin paraprak. Rritja e numrit të automjeteve të shitura në nëntë muajt e parë të vitit 2016 është 6 për qind, tha për Reuters një burim nga industria e automobilave.

I njëjti burim thotë se më shumë shitje janë raportuar në Britani, Francë, Itali dhe Spanjë, përcjell albinfo.ch.
Shitjet e makinave janë të motivuara nga çmimet më të ulëta të karburantit dhe të kushteve të favorshme financiare për financimin e projekteve të reja në industrinë e automobilave.