Ministri Amman mbron Lirinë e Lëvizjes

"Nuk jemi të sinqertë kur për trenat e stërmbushur ose për kolonat e automjeteve nëpër rrugë fajtorë i bëjmë të huajt"

Anëtari i Qeverisë Federale të Zvicrës, ministri i financave Johann Schneider-Ammann i është vënë në mbrojtje lirisë së lëvizjes, duke iu referuar marrëveshjes që ka Zvicra me BE-në në këtë fushë. Falë kësaj marrëveshjeje, ka thënë ai, në vitet e kaluara është arritur të shmangej një “thatësi” në tregun zviceran të punës.  

Më tutje Amman ka tërhequr vërejtjen se problemet në trafik dhe ato në ndërtimin e banesave nuk kanë ardhur si pasojë e migrimit. “Ne nuk jemi të sinqertë kur për trenat e stërmbushur ose për kolonat e automjeteve nëpër rrugë fajtorë i bëjmë të huajt “, ka thënë Schneider-Ammann në një ligjëratë në Cyrih, shkruan nzz.ch.

Ai po ashtu ka thënë se alternativë e lirisë së lëvizjes është që vednet e punës dhe ndërmarrjet të ikin nga Zvicra në vende tjera.