Merkel: Kontrata me refugjatët, sidomos me vendet afrikane!

Merkel tha se ka nevojë më shumë që të ndahen më shumë fonde për asistencën zhvillimore për të trajtuar shkaqet e migrimit. Sipas saj, kjo është thelbësisht e rëndësishme "për të shmangur përsëritjen e situatës nga vera e kaluar

Kancelarja Angela Merkel tha se BE-ja duhet të lidhë marrëveshje migratore me vende afrikane, si Egjiptin dhe Tunizinë, duke ndjekur shembullin e marrëveshjes së nënshkruar tashmë me Turqinë, raportojnë agjencitë e lajmeve, përcjell albinfo.ch.

Merkel tha se ka nevojë më shumë që të ndahen më shumë fonde për asistencën zhvillimore për të trajtuar shkaqet e migrimit.

Sipas saj, kjo është thelbësisht e rëndësishme “për të shmangur përsëritjen e situatës nga vera e kaluar. “Ardhja e qindar-mijëra njerëzve që ikin nga lufta dhe mjerimit në Lindjen e Mesme dhe vende të tjera çuan në krizën më të madhe migratore në Evropë që nga Lufta e Dytë Botërore“, përcjell albinfo.ch.

„Është e rëndësishme për t’u dhënë vendeve afrikane perspektivën për të ardhmen. Apo duhet të lejojnë njerëzit të vijnë tek ne, ose ne duhet të luftojmë shkaqet e migracionit, për t’u mundësuar njerëzve që ta shohin perspektivën për të qëndruar në shtëpitë e tyre“, tha Merkel në një konferencë për agjencinë e lajmeve të turizmit.

Merkel nuk ka dhënë detaje të ndonjë marrëveshjeje të tillë mes BE-së dhe vendeve afrikane, pavarësisht nga Turqia që është kandidate për anëtarësim në BE.

Në mars BE-ja dhe Turqia ranë dakord në Ankara për të ndaluar valën e emigrantëve të paligjshëm në Evropë, në këmbim të ndihmës financiare dhe premtimin e një regjimi pa viza.

Sot në Berlin, ministri i Brendshëm gjerman, Thomas de Maiziere, u takua me kolegun tunizian, Hedi Madzhub, me të cilin ka biseduar për çështje të sigurisë, krimin e organizuar dhe migrimin e paligjshëm.

Të dy ministrat ranë dakord për të hartuar një grup pune gjermane-tuniziane për bashkëpunim të zgjeruar në fushën e sigurisë dhe të veprojë në shkëmbimin e drejtpërdrejtë të të dhënave, aftësi profesionale dhe njohuri, sipas një deklarate nga Ministria gjermane e Punëve të Brendshme. Ata gjithashtu kanë nënshkruar një marrëveshje për bashkëpunim dypalësh për çështjet e sigurisë