SVP, iniciativë e re për reduktim të numrit të të huajve

Pranimi i kësaj iniciative vë në pyetje marrëveshjen me BE-në për lëvizjen e lirë, e cila do të duhej të rinegociohej ose të braktisej

Pas sukseseve që arriti me iniciativën pë dëbimin e të huajve, SVP ka marrë shkas edhe për iniciativën tjetër të radhës që ka të bëjë me të huajt.

Kjo parti dëshiron që në iniciativën tjetër që do ta qesë para popullit të kërkojë që të bëhet “dozimi”  (kontigjentimi) i numrit të  lejeve të qëndrimit të të huajve dhe të azilit në Zvicër.

Se cilat kritere do të merren për bazë, duhet që në të ardhmen të vendoset me ligj, shkruan news.search.ch. Ndërsa, siç sqarojnë vetë në SVP, pranimi i një iniciative të tillë do të vinte në pyetje marrëveshjen me BE-në për lëvizjen e lirë.

Për këtë arsye, sipas SVP-së marrëveshja do të duhej të rinegociohej ose të braktisej.