Frankofonët i brengos mbrojtja e ambientit

I ashtuquajturi „Efekti Fukushima“ ka bërë që preokupimi me ambientin të zë një vend të lartë në listën e preokupimeve

Gjashtë muaj para zgjedhjeve nacionale, votuesit e Zvicrës frankofone paraqiten shumë të preokupuar me rreziqet që vijnë nga moskujdesi për ambientin. Në rendin e dytë të preokupimeve vjen shkolla dhe në të tretin sistemi shëndetësor. Ndërkaq nga fundi i listës së prioriteteve vijnë papunësia dhe pozicioni i Zvicrës në botë.

Këto rezultate i ka treguar një sondazh i Institutit M.I.S Trend, i bërë me porosi të Radiotelevizionit të Zvicrës Perëndimore (RTS).

Të anketuar kanë qenë 1800 persona me të drejtë vote nga Romandia (Zvicra Frankofone). Anketa është bërë disa javë pas fillimit të katastrofës së centralit atomik të Japonisë, Fukushima. Pikërisht i ashtuquajturi „Efekti Fukushima“, konstatojnë mediet, ka bërë që preokupimi me ambientin të zë një vend kaq të lartë në listën e preokupimeve. Kështu, 37 për qind të të anketuarve kanë thënë se brengosen për mbojtjen e mjeisit. 28% brengën më të madhe e kanë shkollën dhe edukimin, ndërsa 25% shqetësohen për sistemin shëndtësor, 19% për shpenzimet jetësore etj.

Papunësia i brengos vetëm 7% të zviceranëve perëndimorë ndërsa gjendja në administratën shtetërore vetëm 4%.