Manuel Bessler, shef i ri i Trupave Humanitare të Zvicrës

Krahas këaj, Bessler është emëruar edhe zëvendësdrejtor i DEZA-s (Drejtoria për Zhvillim dhe Bashkëpunim)

Qeveria e Zvicrës ka emëruar juristin dhe punëtorin humanitar Manuel Bessler për shef të Trupave Zvicerane për Ndihma Humanitare. Në këtë pozicion ai do të kalojë nga tetori i këtij viti, bën të ditur Departamenti i Punëve të Jashtme i Qeverisë së Zvicrës. 

Krahas këaj, Bessler është emëruar edhe zëvendësdrejtor i DEZA-s (Drejtoria për Zhvillim dhe Bashkëpunim), njofton drs.ch.

Aktualisht Bessler është duke udhëhequr Byronë Koordinuese të Kombeve të Bashkuara për punë humanitare në Pakistan. Para kësaj, ai ka punuar si avokat dhe në Kryqin e Kuq Ndërkombëtar.

Bessler në këtë post i zë vendin Toni Frisch-it, i cili për dhjetë vite ka udhëhequr Trupat Zvicerane për Ndihmë Humanitare. Ky i fundit, nga tetori del në pension.