Lëvizja e lirë, me keqpërdorime të shumta

Afërsisht 40 për qind e punëmarrësve që në CHkanë ardhur nga vendet e BE gjatë vitit 2010 janë detyruar të punojnë me paga më të vogla

Liria e qarkullimit të njerëzve dhe e punës, që Zvicra e ka kodifikuar me vendet e Bashkimit Evropian, ka sjellë shumë raste të keqpërdorimit të saj, sa i përket punësimit.

Afërsisht 40 për qind e punëmarrësve që në Zvicër kanë ardhur nga vendet e Bashkimit Evropian gjatë vitit 2010 janë detyruar të punojnë me paga më të vogla se ato që i lejon Kontrata Kolektive, e vlefshme për punëtorët e Zvicrës (GAV). Kështu shkruajnë portalet e Zvicrës si NZZ, Blick, etj. në publikimet e tyre të sotme.

Për degët e ekonomisë që nuk i mbulon GAV, kanë qenë 12 % të punëtorëve të vendeve në fjalë që janë paguar më pak  se mesatarja zvicerane.

Me këtë, po konstatohet se numri i keqpërdorimeve është më i madh, me gjithë masat mbrojtëse që ishin paralajmëruar se do të zbatoheshin. Këto masa kanë paraparë kontroll të shtuar, kështu që sipas SECO-s 40`000 persona janë përfshirë në masat e kontrollimit.

Me gjithë një numër shkeljesh, masat mbrojtëse po funksionojnë kryesisht mirë, thonë në SECO