Lidhjet e al-Qaedas qonin edhe në Kosovë

Abdelakim El-K ka qenë duke jetuar ilegalisht në Gjermani nga nëntori i vitit 2010 dhe ka pasur lidhje në Austri, Marok, Kosovë dhe Iran

Siç bëjnë të ditur mediet gjermane, njëri nga të dyshimtit e grupit të al-Qaedas, që u arrestuan në Gjermani, është urdhëruar nga një përfaqësues i rëndësishëm i këtij grupi për të kryer sulme në Gjermani, ndërsa lidhjet e tij çojnë edhe në Kosovë, kanë njoftuar prokurorët gjermanë të çështjes.

Gazeta Bild shkruan se , zëvendësi i Prokurorit Federal, Rainer Grisbaum ka deklaruar se i dyshimti 29-vjeçar, Abdelakim El-K, ishte urdhëruar nga një pjesëtar i rëndësishëm i Al Qaidas në vitin 2010 që të kryej sulme në Gjermani.

Grisbaum ka thënë se i dyshimti po përgatiste eksplozive për sulmin, por ende nuk kishte zgjedhur një cak.

Udhëheqësi i Policisë Federale gjermane, Joerg Zierck ka thënë se Abdelakim El-K ka qenë duke jetuar ilegalisht në Gjermani nga nëntori i vitit 2010 dhe se ka pasur lidhje në Austri, Marok, Kosovë dhe Iran.