Tërmet i fuqishëm në Itali, së paku 37 të vdekur!

Ky tërmet konsiderohet më i forti dhe më shkatërruesi që ka ndodhur në itali pas atij që kishte goditur qytetin Acuila në vitin 2009

Një tërmet i fuqishëm ka goditur sot në orët e hershme të mëngjesit (rreth orës 3.30) Italinë Qendrore, duke shkaktuar të paktën 37 viktima. Nën gërmadhat e lokaliteteve të goditura, mendohet të ketë dhe viktima të tjetra, supozojnë autoritetet.

Epiqendra e tërmetit thuhet të jetë në  regjionin Latium dhe në atë Marke. Lokalitetet më të dëmtuara janë  Accumoli, Amatrice Posta, në Latium dhe qytetet Pescara  deöl Tronto e Arquata del Tronto, bëjnë të ditur mediat italiane dhe ndërkombëtare.

Sipas Entit Sizmologjik të Italisë, epiqendra e tërmetit me një forcë prej së paku 6 shkallësh të Richterit, ka qenë në thellësinë e tokës, rreth 4 kilometra. Gjeografikisht, epiqendra është rreth 150 kilometra në verilindje të Romës.

Sipas Institutit Sizmologjik i SHBA-së fuqia e tërmetit ka qenë 6.2 shkallë.

Autoritetet e lokaliteteve të goditura nga tërmeti konsiderojnë se mund të jenë më shumë se 100 persona të zhdukur pas tërmetit. Kryebashkiaku i komunës së goditur më rëndë, Amatrice, ka thënë për mediat se përnjëherë gjysma e qytetit është zhdukur.

Ky tërmet konsiderohet më i forti dhe më shkatërruesi në Itali pas atij që kishte goditur qytetin Acuila në vitin 2009.