Lajme
Kosova, së shpejti pa tutorë ndërkombëtarë!
"Veriu do të mbetet në Kosovë. Ne po punojmë me Qeverinë që të arrijmë deri tek qytetarët e veriut, të punojmë me ta", ka thënë Feith
Në një ligjëratë të mbajtur për nxënësit e gjimnazit „Sami Frashëri” të Prishtinës, shefi i ICO-së, Pieter Feith tha se ndërkombëtarët nuk duhet të qëndrojnë në Kosovë më gjatë se që është e nevojshme. Me këtë rast ai ka vlerësuar se pavarësisë së mbikëqyrur të Kosovës shumë shpejt do t’i vijë fundi, transmeton koha.net.
Se mbikëqyrja ndërkombëtare së shpejti do të jetë e panevojshme ka deklaruar një ditë më parë edhe kryeministrit i vendit, Hashim Thaçi. Sipas tij „situata politike në Kosovë dhe funksionimi i shtetit po shkon në drejtimin, që e bën të panevosjhme mbikëqyrjen ndërkombëtare.
Feith ka folur edhe për ndryshimet e paralajmëruara kushtetuese. Ai ka thënë se nuk do të ndërhyjë në ndryshimet kushtetuese, sepse sipas tij ato i përkasin partive politike dhe Kuvendit të Kosovës. Megjithatë ai potencoi rëndësinë që gjatë amendamentimit të forcohet pozita e femrës dhe të mos ndikohen të drejtat e komuniteteve.
Shefi i ICO-së me këtë rast ka folur edhe për veriun e Kosovës. “Veriu do të mbetet në Kosovë. Ne po punojmë me Qeverinë që të arrijmë deri tek qytetarët e veriut, të punojmë me ta dhe jam i bindur se do të arrijmë progres, qoftë përmes dialogut, qoftë përmes mjeteve tjera”.
Gjatë ligjëratës, Feith-in e ka shoqëruar ministri i arsimit, Ramë Buja.
E-Diaspora
-
Ekspozita personale “Gjurmët në Medalion” e Valbona Gashit hapet në Konsullatën e Kosovës në Gjenevë Mbrëmë, në hapësirat e Konsullatës së Përgjithshme të Republikës së Kosovës në Gjenevë, u hap ekspozita... -
Krasniqi: Mijëra fletëvotime nga diaspora rrezikojnë të mos arrijnë në kohë në Kosovë -
Mbahen takimet poetike të Nëntorit në Lucern -
Seminar i KKAD me temën “Sfidat e gjuhës shqipe në diasporë” -
Sot fillon afati 11-ditor për regjistrimin e votuesve jashtë Kosovës
Jeta në Austri
-
Piloti austriak bën ulje emergjente afër kufirit me Italinë Piloti austriak bën ulje emergjente në autostradën A2 në Karinthia pranë kufirit italian; nuk ka të... -
Influencerja e zhdukur austriake gjendet e vdekur, brenda një valixheje -
Me 23 nëntor mbahet në Vjenë “Turneu i Pavarësisë” -
Koncert festiv për ditën e Pavarësisë së Shqipërisë në Baden të Austrisë -
Vjenë
Orë letrare në Vjenë në shënim të Ditës së Flamurit










