Biden vjen për demarkacionin, apo…?

Ndonëse në media është përfolur që njëri prej zyrtarëve më të lartë të shtetit amerikan do të vijë në Kosovë për të bërë presion për demarkacioni, kështu nuk mendon edhe lideri i Aleancës për Ardhmërinë e Kosovës, Ramush Haradinaj

Zëvendëspresidenti i Shteteve të Bashkuara të Amerikës, Joe Biden pritet që të vijë në Kosovë me 16 Gusht, me ç`rast do të zhvillojë takime me kryeministrin Isa Mustafa dhe me Presidentin Hashim Thaçi. Mirëpo, në agjendën e numrit dy të SHBA-së nuk është potencuar takimi edhe me liderët e subjekteve opozitare (Vetëvendosje, AAK dhe Nisma).

Ndonëse në media është përfolur që njëri prej zyrtarëve më të lartë të shtetit amerikan do të vijë në Kosovë për të bërë presion për demarkacioni, kështu nuk mendon edhe lideri i Aleancës për Ardhmërinë e Kosovës, Ramush Haradinaj.

Në një prononcim për “Indeksonline”, Haradinaj ka thënë se Biden nuk do të flasë me liderët shtetërorë për çështjen e demarkacionit me Malin e Zi.

“Vizita e këtij niveli kaq të lartë në Kosovë është një porosi e qartë e Amerikës për përkrahjen e rrugës dhe perspektivën euro-atlantike të Kosovës. Ai nuk do të ndalet në agjenda të brendshme (demarkacioni v.j.), mirëpo e shpreh përkrahjen për Kosovën në rrugën e saj euro-atlantike.

Megjithatë, Haradinaj thotë se vizita e tij është nder, pasi, sipas tij, ka dy dekada e më shumë që Biden është i kyçur dhe përkrahës i drejtës të vendit tonë.

Kreu i AAK-së ka folur edhe për atë se Biden nuk do të takohet me liderët e opozitës. Mirëpo, ai kujton një takim që kishte me zv.presidentin amerikan para disa vitesh.

Ndryshe, zyrtari i lart amerikan do ta vizitojë edhe kampin ushtarak amerikan në afërsi të Ferizajt, “Bondsteel”.