Farmacistët e Kosovës në grevë 24 orëshe

Greva vjen si kundërpërgjigje ndaj aksioneve arbitrare nga ana e Doganave të Kosovës

Farmacistët e Kosovës kanë nisur grevën e paralajmëruar 24 orëshe. Greva, sipas kreut të farmacistëve të Kosovës, ka nisur si kundërpërgjigje ndaj aksioneve arbitrare dhe të përsëritura të ndërmarra ndaj barnatoreve të vendit nga ana e Doganave të Kosovës, edhe pas reagimeve të shumta nga ana e komunitetit farmaceutik.

Ata, thonë se u detyruan të marrin vendimin për organizimin e grevës 24 orëshe, duke mbyllur të gjitha barnatoret në të tërë territorin e Republikës së Kosovës.

Farmacistët e fajësojnë për këtë hap AKPM-në dhe Ministrinë e Shëndetësisë. Ndërkaq, në Mitrovicë, qytetarët kanë gjetur alternativën se si të furnizohen me barna. Ata kanë mësyrë pjesën veriore të qytetit, pasi që në këtë pjesë barnatoret punojnë normalisht.