Një mërgimtar heq portretin e Rugovës, reagon Veseli

Pjesëtarët e Policisë së Kosovës që kujdesen për sigurinë në Kuvend, kanë reaguar menjëherë dhe pas kryerjes së hetimeve të nevojshme, fotografia e ish-presidentit Rugova është kthyer në vendin e saj

Mediat në Prishtinë kanë njoftuar se gjatë vizitës që një grup mërgimtarësh i kanë bërë dje Kuvendit të Kosovës, njëri prej tyre e ka hequr portretin e ish presidentit të Kosovës, Ibrahim Rugova.

I menjëhershëm ka qenë reagimi i kryetarit të Kuvendit, Kadri Veseli.

Kryetari i Kuvendit të Republikës së Kosovës, Kadri Veseli, dënon ashpër incidentin e izoluar në hollin e Kuvendit, ku një qytetar nga diaspora gjatë vizitës në ambientet e Kuvendit, ka hequr nga muri fotografinë e ish-presidentit Ibrahim Rugova, shkruan rtklive.com.

Pjesëtarët e Policisë së Kosovës që kujdesen për sigurinë në Kuvend, kanë reaguar menjëherë dhe pas kryerjes së hetimeve të nevojshme, fotografia e ish-presidentit Rugova është kthyer në vendin e saj, transmeton albinfo.ch

Kuvendi i Kosovës vazhdon të jetë i hapur për vizita nga të gjithë bashkatdhetarët tanë, por kërkon nga të gjithë vizitorët që gjatë qëndrimit në mjediset e Kuvendit, të respektojnë normat e sjelljes.