Theranda e përkushtuar për bashkatdhetarët

“Është e vështirë të gjejmë fjalët e duhura që do reflektojnë ndjenjën tonë dashamirëse për ju bashkatdhetarë, por mund të shprehem me modesti se me të gjitha forcat dhe dijen qe kemi do jemi në shërbimin tuaj”, thotë kryetari Asllanaj

Institucionet komunale në Therandë janë të gatshme të punojnë me të gjitha kapacitetet e tyre dhe në mënyrë maksimale të t’u shërbyer sa më mirë bashkatdhetarëve që vijnë për pushime në këtë komunë. Kështu ka deklaruar kryetari i Komunës së Therandës (Suharekës), Sali Asllanaj.

“Kjo është më e pakta që ne si staf komunal mundë të bëjmë për ju duke pasur parasysh kontributin tuaj për familjet dhe Kosovën në përgjithësi. Njëkohësisht dua të ju shpreh mirënjohjen time të thellë për sakrificën ndaj atdheut”, deklaron kryetari i Therandës.

”Këtë sakrificë e çmojmë shumë duke e vlerësuar atë si një fondament të zbutjes së gjendjes sonë sociale ekonomike dhe politike. Kur e them këtë kam parasysh ndihmën tuaj shumëdimensionale për çka ju përgëzoj me përulje njerëzore dhe qytetëruese”, thotë Asllaja j me rastin e ardhjes së bahsktadhetarëve

Bashkatdhetarët e kësaj komune, sipas tij, gjithmonë do të jenë të rëndësishëm për vendin, “sepse jeni pjesë e qenies sonë”.

“Këtu, në vendin tuaj, Ju do jeni gjithmonë njerëzit më të dashur për ne dhe familjet tuaja, miqtë shokët e dashamirët. Ndjejeni me kënaqësi pushimin e merituar në komunën ton, në komunën tuaj”, shkruan asalljanj rrejtine  tij social, transmeton Albinfo.Ch.