Hotelet e Gjenevës ndër më të shtrenjtat në botë

Nata në një hotel të këtij qyteti kushton mesatarisht 317 franga dhe me këtë, Gjeneva del qyteti i tretë në botë

Hotelet e Gjenevës janë ndër më të shtrenjtat në botë. Nata në një hotel të këtij qyteti kushton mesatarisht 317 franga dhe me këtë, Gjeneva del qyteti i tretë në botë, pas Moskës dhe Nju Jorkut, sa u takon çmimeve të shërbimeve hoteliere.

Sipas ranglistës që ka bërë një ndërmarrje për udhëtime pune, ata që “i zë nata” në Moskë duhet të paguajnë mesatarisht 400 franga për të zënë vend në një hotel, ndërsa shërbimi i njëjtë në Nju Jork do tu kushtojë 330 franga.

Në shoqëri të mirë është edhe Cyrihu. Çmimet e hoteleve të këtij qyteti mbërrijnë mesataren prej 310 frangash dhe me këtë, Cyrihu ndan vendin e katër, respektivisht të pestë me Parisin.