Kosova e humb betejën e parë në UEFA, pritet votimi final

Në një votim të fshehtë, që kishte kërkuar Federata e Zvicrës, 33 shtet kanë votuar pro ndryshimit, 20 kanë qenë kundër dhe 1 ka abstenuar

Kongresi i UEFA-s që po mbahet në Budapest, sapo ka votuar kundër ndryshimit të statutit që i hapte rrugë anëtarësimit të Kosovës në këtë organizatë. Në një votim të fshehtë, që kishte kërkuar Federata e Zvicrës, 33 shtet kanë votuar pro ndryshimit, 20 kanë qenë kundër dhe 1 ka abstenuar.

Për t’u ndryshuar ky nen janë nevojitur 2/3 e votave të mjaftueshme nga 54 të mundshme. Pra, janë nevojitur 36 vota.

Por megjithatë votimi për Kosovën duket se do të ndodhë. Nëse do të ndodhte ndryshimi, UEFA do t’i pranonte brenda gjirit të saj edhe shetet që nuk janë pjesë e OKB-së, por që janë të pranuara nga shumica e shteteve evropiane. Me këtë ndryshim, Kosova duket se e ka të sigurt pranimin.