Gjyqtari Zogaj nga Zvicra ndihmon kolegët e tij në Kosovë

Zogaj ishte në fundjavë në Pejë, ku përveç ndihmave mbajti edhe një seminar para trajnerëve, kontrollorëve dhe gjyqtarëve të këtij rajoni

Njëri nga gjyqtarët më të mirë shqiptarë padyshim është Bekim Zogaj, i cili vepron në Zvicër, ku ndan drejtësinë në superligën zvicerane.

Bekimi asnjëherë nuk e ka harruar vendlidjen e tij, Kosovën dhe gjithmonë ka ndihmuar gjyqtarët kosovarë dhe Federatën e Futbollit të Kosovës.

Zogaj  ishte në fundjavë në Pejë, ku përveç ndihmave mbajti edhe një seminar para trajnerëve, kontrollorëve dhe gjyqtarëve të këtij rajoni, shkruan albinfo.ch.

Zogaj kishte sjell me vetë 40 palë fanella dhe 15 palë çorape. Kjo nuk është hera e parë që Zogaj ndihmon futbollin e Kosovës.

Për këtë Shoqata e Gjyqtarëve të rajonit të Pejës falënderon gjyqtarin Zogaj për ndihmën e dhënë.