Dobësimi i euros i mirëseardhur për zviceranët

Dy të tretat e të anketuarve, deri tani kanë ndjerë personalisht ndonjë ndikim të drejtpërdrejtë nga kjo gjendje me valutën euro

40 për qind e qytetarëve zviceranë përfitojnë drejtpërdrejtë nga dobësimi i valutës euro. Zviceranët po shfrytëzojnë këtë situatë për të blerë kryesisht përgjatë zonave kufitare. 39 për qind e tyre janë shprehur të kënaqur se kanë bërë pushime të lira në eurozonë.

11 për qind e tyre përfitojnë nga dobësimi i euros për blerje online. Një konstatim i tillë, vjen pas një studimi të bërë nga “Demoscope”, raporton portali 20min.ch.

Por edhe ata që nuk e shfrytëzojnë tregun në eurozonë kanë përfituar me forcimin e frangut. 5 për qind e të anketuarve thonë se kanë gjetur disa produkte të lira në dyqanet zvicerane, si rezultat i importit të lirë.

Kryesisht zviceranët në pjesën gjermanofolëse, personat e punësuar dhe familjet me mbi të ardhura mesatare janë shprehur të jenë të kënaqur me dobësimin e euros.  Pothuajse, dy të tretat e të anketuarve, deri tani kanë ndjerë personalisht ndonjë ndikim të drejtpërdrejtë nga kjo gjendje me valutën euro.