Zvicra negocion një marrëveshje tregtie me Kinën

Zvicra zë vendin e nëntë në listën e partnerëve tragtarë të Kinës në Evropë ndërsa Kina është partneri kryesor i Zvicrës në Azi

Zvicra dhe Kina do të negociojnë brenda javëve të ardhshme një marrëveshje për tregtinë e lirë që do të ketë për synim më pak doganime dhe shmangie të diskriminimit.

Në kuadrin e Forumit Ekonomik Botëror që po mbahet në Davos, ministri federal për ekonomi dhe financa Johann Schneider-Ammann me ministrin kinez të tregtisë, Chen Deming kanë nënshkruar një draft marrëveshjeje. Nga kjo paramarrëveshje do të përfitojnë fusha e financave dhe sigurimeve, shkruan 20minuten.ch.

Zvicra zë vendin e nëntë në listën e partnerëve tragtarë të Kinës në Evropë ndërsa Kina është partneri kryesor i Zvicrës në Azi.

Gjatë 11 muajve të vitit 2010 Zvicra ka eksportuar në Kinë mallra në vlerë prej 6.7 miliardë frangash ndërsa ka importuar nga Kina mallra në vlerë prej 5.6 miliardë frangash.