Shkëlqen Celina

Futbollisti i talentuar shqiptar, Bersant Celina po dëshmon se është njëri nga futbollistët që pritet shumë nga ai në të ardhmen.

Celina shkëlqeu së fundi në fitoren e Manchester Cityt ndaj Readingut në Premierligë për të rinj. Ai shënoi dy herë për skuadrën në minutat 43 dhe 81.

Për Manchester Cityn është paraqitur edhe futbollisti tjetër shqiptar, Sinan Bytyqi. Celina ka refuzuar Norvegjinë për Kosovën dhe shihet si njëra nga futbollistët kyç të Përfaqësueses kosovare, shkruan albinfo.ch.

Futbollisti i lindur në Prizren ditë më parë për “Daily Mail” deklaroi se dëshiron që sa më gjatë të qëndrojë në City dhe e mirëpret trajnerin e ri Pep Guardiola.