Assange i Wikileaks-it kritikon Zvicrën

"Duke mos vepruar kundër sistemit për shmangie të tatimeve, Zvicra po e vë veten në qendër të interesimit botëror"

Themeluesi i Wikileaks Julian Assange, ka drejtuar kritika ndaj sistemit juridik të Zvicrës lidhur me mbajtjen në burg të ish bankierit Rudolf Elmer. Kritikat i ka bërë në një intervistë për gazetën e të dielës „Der Sonntag”.

Sipas tij, Zvicra, „duke arrestuar Elmer-in nga njëra anë dhe duke mos vepruar kundër sistemit kriminel për shmangie të tatimeve, nga ana tjetër, po e shtyn veten në qendër të interesimit të opinionit botëror”.

Assange ka theksuar po ashtu se këto struktura në të ashtuquajtureat „oaza tatimore” nuk kanë të bëjnë vetëm me Zvicrën. Sipas tij edhe institute tjera monetare në nivele ndërkombëtare janë të implikuara në këtë sistem.