Ekstremistët e majtë sulmojnë fizikisht politikanin e SVP-së

Hans Fehr, deputet i SVP-së në Paralamentin Federal është sulmuar fizkisht nga lëvizja e ekstremit të majtë "Links Autonome"

Në konferencën vjetore që mbajti partia SVP në Albisgüetli të Cyrihut ndodhi një sulm fizik ndaj deputetit federal të kësaj partie, Hans Fehr.

Rreth 100 aktivistë të “të majtës autonome”, (Links Autonomen) një lëvizjeje ekstremiste e majtë që po demonstronin pranë ndërtesës, kanë provuar të hynin në ndërtesë dhe janë penguar nga policia, të cilën e kanë gjuajtur me gurë dhe shishe.

Ata kanë kapur pastaj politikanin e lartë të SVP-së Hans Fehr dhe i kanë shkaktuar lëndime fizike.

Në këtë konferencë mori pjesë edhe presidentja e vendit Micheline Calmy Rey. Siç shkruan tages aneiger, ajo u angazhua kundër mbylljes dhe izolimit të Zvicrës ndaj botës. Në të kundërtën, ish ministri nga SVP dhe ideologui i saj Christoph Blocher ka apeluar për rezistencë ndaj thirrjeve për hyrje në BE.