Rifillon dëbimi i azilkërkuesve nigerianë

Së paku 120 azilkërkues nigerianë janë në burgjet për dëbim ndërsa mbi 600 të tjerë në faza të ndryshme të trajtimit të kërkesave për azil

Pas dhjetë muaj pezullimi, janë realizuar dje riatdhesimet e para të azilkërkuesve nigerianë në vendin e tyre. Në muajin mars të vitit të kaluar, një refugjat nigerian kishte vdekur në aeroportin e Cyrihut gjatë kohës kur autoritetet zvicerane po përpiqeshin ta riatdhesonin me masa detyruese.

Numri i të kthyerve të djeshëm është modest, gjithsej tre, por sipas asaj që zyrtarë të Entit Federal për Migracion i kanë deklaruar emisionit 10 vor 10, edhe kjo konsiderohet nismë e mbarë.

Së paku 120 azilkërkues nigerianë janë në burgjet për dëbim ndërsa mbi 600 të tjerë në faza të ndryshme të trajtimit të kërkesave për azil. Siç është bërë e ditur nga institucionet përkatëse, mbi 99 për qind e azilkërkuesve nga ky vend nuk kanë gjasa për të fituar azilin.