Sonte, premiera e filmit “Babai” në Berlin

Në premierën e sontme do të jenë të pranishëm edhe regjisori Visar Morina dhe dy aktorët kryesorë, Astrit Kabashi e Val Maloku

Sonte (6 mars) jepet në Berlin premiera e filmit artistik “Babai” të regjisorit Visar Morina. Është fjala për një bashkëprodhim në mes të Gjermanisë, Kosovës, Maqedonisë dhe Francës, ku rolet kryesore i luajnë aktorët nga Kosova: vogëlushi Val Maloku, Astrit Kabashi dhe Adriana Matoshi.

Në premierën e sontme do të jenë të pranishëm edhe regjisori Visar Morina dhe dy aktorët kryesorë, Astrit Kabashi e Val Maloku, shkruan kulturkurier.de, përcjell albinfo.ch

Ky film deri më tani ka marrë një numër çmimesh të rëndësishme. Në mes tjerash ai është shpërblyer me çmimin e festivalit Filmfest München 2015 për Regjinë më të mirë, transmeton albinfo.ch. Skenarin më të mirë dhe për aktorët më të mirë (Astrit Kabashi&Val Maloku) etj.

Nori dhjetëvjeçar dhe babai i tij Gëzimi shesin cigare së bashku në Kosovën e para luftës, të viteve `90. Gëzimi nuk e dëgjon të shoqen dhe do të ikë nga Kosova por pa Norin. Por Nori assesi nuk pranon dhe bën gjithçka për ta penguar. Ndodh një aksident dhe babai i dëshpëruar e dërgon Norin në spital. Ndërkohë, kur Nori lëshohet nga spitali, babai ndërkaq ka ikur fshehurazi. I mbushur pezm dhe vendosmëri, Nori i shkon mbrapa babait në një rrugëtim të rrezikshëm dhe në fund e gjen atë diku në Gjermani. Me një konsekuencë fëmijërore ai e ballafaqon babanë me veprimin që ka bërë dhe nuk mund t`ia falë.

Ptremiera jepet në “hackesche höfe kino”, Berlin, nga ora 20.00.