Bota
Austria ka nevojë për mjekë, austriakët ikin jashtë vendit
Oda e Mjekëve të Austrisë ka prezantuar të dhënat sipas të cilave aktualisht janë të lira 300 vende pune për mjekët
Oda e Mjekëve të Austrisë ka paralajmëruar deficitin e mjekëve nëpër spitale dhe parashikon se situata në Austri do të përkeqësohet nëse nuk bëhet diçka në këtë drejtim.
Harald Meyer, kreu i organizatës, i cili përfaqëson punonjësit mjekësorë vuri në dukje plakjen e mjekëve nëpër spitale, që tregon se 25 për qind e tyre në dhjetë vitet e ardhshme do të dalin në pension, dhe kjo është një “humbje” e 6.400 infermierëve, përcjell albinfo.ch lajmin e medieve uastriake.
Oda e Mjekëve të Austrisë ka prezantuar të dhënat sipas të cilave aktualisht janë të lira 300 vende pune për mjekët.
Për shumë mjekë të rinj kushtet e punës nuk janë atraktive dhe nuk ka modele fleksibile. Është problematike koha e punës, për shkak se është shumë e vështirë që të përshtatet karrierra duke punuar në spitale me familjen dhe fëmijët.
Të dhënat tregojnë se që nga viti 2003 kanë ikur jashtë vendit një total prej 7.000 mjekëve.
Statistikat tregojnë se 1.500 njerëz në vit janë pranuar për të studiuar mjekësi, por vetëm 1.300 janë duke përfunduar studimet e tyre, ndërsa vetëm 900 mbesin në Austri.
Mayer kërkoi reduktimin e burokracisë në punën mjekësore. Mjekët austriakë shpenzojnë në spitale 40 për qind të kohës së tyre në administratë dhe dokumente.
E-Diaspora
-
Bizneset nga diaspora vizitojnë shtëpinë e Kosovës Në 10 vjetorin e themelimit të Rrjetit Global të Bizneseve Shqiptare, dje në Prishtinë është mbajtur...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?