70 artistë të filmit kundër ashpërsimit të ligjit të azilit

"Azilkërkuesit përbëjnë vetëm 0.6 për qind të banorëve të Zvicrës dhe nuk është mirë që të ata të trajtohen si fajtorë kujdestarë"

Një grup prej 70 punëtorësh zviceranë të filmit, janë rreshtuar në mesin e kundërshtarëve të rishikimit të ligjit të azilit. Ata kanë nëshkruar një peticion përmes të cilit kërkojnë nga votuesit zviceranë që ditën e referendumit gjithëpopullor që mbahet më 9 qershor, të votojnë kundër rishikimit, gjegjësisht ashpërsimit të ligjit të përmendur.

Ata u rekomandojnë votuesve që të dielën të japin një “Jo të përzemërt”, shkruan nzz.ch. Në mesin e artistëve që shprehen kundër ashpërsimit të ligjit mbi azilin janë edhe regjisori nga Gjeneva Alain Tanner Ursula Meier etj.

Në një komunikatë të publikuar të shtunën, punëtorët e filmit shkruajnë se ata nuk duan të jetojnë në një vend që “dita ditës po shndërrohet në një kështjellë”. Azilkërkuesit përbëjnë vetëm 0.6 për qind të banorëve të Zvicrës dhe nuk është mirë që të ata të trajtohen si fajtorë kujdestarë për problemet e vendit.(nzz.ch)