3/4 e zviceranëve pro reformës së pensioneve

72 për qind të zviceranëve, ose ¾ e tyre janë të mendimit se reformimi i sistemit të pensioneve është i domosdoshëm

Propozimet për reformimin e pensioneve që i ka bërë të njohura të premten ministri zviceran për punë sociale, Alain Berset, kanë bërë jehonë të madhe te zviceranët. Duket se me këto propozime, Berset ka pas vetes shumicën dërmuese të votuesve zviceranë.

Kështu, 72 për qind të zviceranëve, ose ¾ e tyre janë të mendimit se reformimi i sistemit të pensioneve është  domosdoshëm. Kjo përqindje ka dalë nga një sondazh që ka bëë gazeta „SonntagsBlick“. Ndërsa po sipas këtij sondazhi, 65 për qind të të anketuarve janë shprehur në favor të të ardhurave më të mëdha.

Rtritjen e tatimit mbi vlerën e shtuar do ta përshëndetnin 49 për qind, ndërsa 46% do të ishin kundër. 42% janë shprehur në favor të tatimit nacional të trashëgimisë ndërsa 51% e hedhin poshtë këtë tatim, që ka ardhure si propozim nga sindikatat. Një shumicë e ngushtë prej 51% është pro uljes së shkallës së konvertimit të sigurimeve profesionale ndërsa 41% është kundër.

Ndërsa rezultati më kurioz është ai se plot 75 për qind e të anketuarve janë shprehur në favor të ngritjes së moshës për pensionim të grave nga 64 sa është tash në 65 vjet.