30 milionë automjete “Golf” për katër dekada

”Volkswagen” ka festuar këtë fundjavë një moment historik, linjat e prodhimit të fabrikës në Wolfsburg kanë prodhuar 30 milionë kopje të modelit “Golf”.

Të gjithë shtatë brezat e Volkswagen Golf këtë numër të konsiderueshëm të prodhuesit gjerman e kanë arritur pas 39 vjetëve.

Kopje jubilare është versioni  “TDI BlueMotion”, i cili gjithashtu është Golfi më ekonomik në historinë e këtij modeli që harxhon mesatarisht 3.2 litra në 100 km.

Sipas fjalëve të kryetarit të Volkswagen, Martin Winterkorn, historia e Golfit është një histori e përparimit në industrinë e automobilave.

“Duke filluar nga brezi i parë, i cili debutoi në vitin 1974, nëpërmjet shfaqjes së TDI të gjeneratës së tretë me sistemin  ESC (Kontrolli Elektronik i Stabilitetit) deri kohët e fundit të gjeneratës së shtatë me sistemim  “Automatic Post-Collision Braking” që ndalon pas goditjes lëvizjen e pakontrolluar të automjeteve. 

Volkswagen ka llogaritur se që nga fillimi i prodhimit të Golfit , kompania ka shitur çdo ditë mesatarisht më shumë se 2.000 automjete.

Në shtator të vitit 2012 “Golf 7” ishte zgjedhur vetura evropiane më e mira në botë për vitin  2013