Zvicra ashpërson sanksionet kundër Iranit

Sot, më 20 janar hyjnë në fuqi sanksionet e reja që Zvicra ka vendosur kundër Iranit. Me këtë vendim, shteti zviceran bën përshtatjen me shtetet tjera perëndimore, ato të BE-së dhe SHBA-në, të cilat prej kohësh kanë ngritur sanksione kundër Iranit.

Vendimin e ka shpallur ministri i financave Schneider-Amman, duke e mbështetur atë në nevojën për ngritjen e sigurisë juridike për ndërmarrjet zvicerane me veprimtari ndërkombëtare.

Deri më tash Zvicra, ndaj Iranit kishte ushtruar sanksione më të buta, në përshtatje me ato që kishte vënë OKB-ja. Për këtë arsye ajo, kohë më parë i ishte nënshtruar kritikave nga SHBA dhe BE për qëndrimin e saj “labil” ndaj Iranit.